St. Michael

Bhag. Minguel, Devachea Mha Bhoddvya ani zhuzarya, koddkoddya soitanachya, az mhaka , mhoji famil, mhojem sogllem tuka hanv sonvskartam. Mhoji bhett mandun ghe, mhojea patkanchem bhogsonnem zoddun ghe, Jezucho ani Mariecho mog mhaka xikoi, mhojya akantachya ani mornnachya vellar mhaka rakh ani mhaka sorgar vhor Devachi mhoima vakhanni korchyak .Amen.

Deva mhojya adarak tum pav, adhar korunk tahit kor.

Mhoima Bapak ani Putak ani Povitr atmyak….

Dor eka magnnea uprant Ek Amchya Bapa ani tin Noman Marie mhonn….

1). Bhag. Minguel Serafin-chya Bhoddvya vorvim Devacho ani pelyacho mog   korunk mhaka ujyan pettoi. Amen.

2) Bhag. Minguel ani Cherubim –chya Boddvyam vorvim patok soddun, bhagevont zaunk mhaka xikoi. Amen.

3) Bhag. Minguel ani Xinvasonnachyam (Thrones) Bhodvyam  vorvim, mhaka khalti zaunk xikoi. Amen.

4) Bhag. Minguel ani Ap-Domavnnechya (Dominations) Bhoddvyam vorvim amchem melleponn ani khotteponn pois korunk amchya sandhyancher domavnni dhorunk xikoi. Amen.

5) Bhag. Minguel ani Gunnachya (Virtues) Bhoddvyam vorvim tallnyancher ani vaittacher add zhuz korunk xikoi. Amen.

6) Bhag. Minguel ani Podvyamchya (Powers) Bhoddvyam vorvim sogllyam soitanachya fasancher zhuz manddunk amkam xikoi. Amen.

7) Bhag. Minguel ani Rajyanchya (Principalities) Bhoddvyam vorvim Devan amkam visvaxiponnacho atmo dium. Amen.

8) Bhag. Minguel ani Mha Bhoddvyam vorvim amcho bhavart ghott korum , ami doyall – mogall zaum ani Bapan amkam sorg dium. Amen.

9) Bhag. Minguel ani amchya Rakhnne Bhoddvyam sangatim amkam sonvsarant samballum ani sorgar vhorum.  Amen.

Bhag. Minguel, Gabriel, Rafael ani Raknnea Bhoddvyak  Ek – Ek Amche Bapa mhonn .

Bhag. Minguel him magnnim Bapa mukhar vhorun amkam rakh, visvaxi sambhall ani sorgar pavoi. Amen.

Sorginche Maie, tuvem Soitanachem mostok mostilem, tachya hatantlim amkam nivar, amchim magnnim aikun ghe, tujya Putachya Rogtan amkam nhannoi, tujya Bhoddvyank dhadd, soitanachya bhoddvyank emkonddant lottun ghal, amkam rakh ani sambhall ani sorginchi mhoima bhogunk , sasnnachi vakhann’ni korunk amkam vhor. Amen.

Povitra Kallza Jezuchya, amchi kaklut Kor.

Marie Kristanvanchya alaxirea, amche pasot mag.

Bhag. Juze amche pasot vinoti kor.

Bhag. Minguel ani sogllya Bhoddvyamno, amche pasot vinoti kor.

Sogllyam Devachea Bhagevontamni, amche pasot magat. Amen.

Bapache ani Putache ani Povitr atmyache nanvim.  Amen.

 

Leave a Reply

Your email address will not be published. Required fields are marked *